Ymunodd Julie â Swyddfa Gogledd Iwerddon fel Ysgrifennydd Parhaol ym mis Medi 2023.
Cyn hynny, roedd hi’n Ysgrifennydd Parhaol yn yr Adran Seilwaith.
Yn 2020 ymunodd â Gwasanaeth Sifil Gogledd Iwerddon fel Dirprwy Ysgrifennydd yn yr Adran Gyfiawnder. Roedd hi’n gyfrifol am ystod eang o feysydd polisi gan gynnwys Plismona, Cam-drin Domestig a Throseddau Rhywiol, Troseddau Casineb, Paramilitariaeth a Throseddau Cyfundrefnol gan gynnwys Masnachu Pobl a Chaethwasiaeth Fodern. Mae Julie wedi bod mewn amrywiaeth o rolau cyn ymuno â’r gwasanaeth sifil ac mae ganddi gefndir mewn ymchwil a dadansoddi, cynhwysiant cymdeithasol, gwneud grantiau ac adfywio trefol.
Yn flaenorol, mae hi wedi gwasanaethu fel Cynghorydd Strategol i’r Bwrdd Buddsoddi Strategol, Cadeirydd Gogledd Iwerddon i Gronfa Gymunedol y Loteri Genedlaethol, Cyfarwyddwr y Building Change Trust ac aelod cyfetholedig i Ymddiriedolaeth Elusennol Joseph Rowntree.