Arddangos yn y Gwasanaeth Sifil yn Fyw
Mae’r Gwasanaeth Sifil yn Fyw yn cynnig cyfle unigryw i arddangos eich gwaith, eich syniadau a’ch gwasanaethau i filoedd o weision sifil o bob rhan o’r llywodraeth.
Mae arddangos yn caniatáu i dimau, proffesiynau, rhwydweithiau a phartneriaid ymgysylltu’n uniongyrchol â chydweithwyr, rhannu dysgu, a hyrwyddo arloesedd a chydweithio ar draws y Gwasanaeth Sifil.
Pwy all arddangos?
Adrannau’r llywodraeth, asiantaethau ac ALBs
Proffesiynau a swyddogaethau’r Gwasanaeth Sifil
Rhwydweithiau staff a grwpiau trawslywodraethol
Sefydliadau’r sector cyhoeddus ehangach
Elusennau, sefydliadau nid-er-elw, a mentrau cymdeithasol
Partneriaid a chyflenwyr sector preifat (yn amodol ar feini prawf)
Rhaid i bob arddangoswr allu dangos sut maen nhw’n cefnogi amcanion y digwyddiad a sut mae eu harddangosfa yn cyd-fynd â themâu’r digwyddiad.
Pam arddangos yn y Gwasanaeth Sifil yn Fyw?
- Rhannu arfer da gyda chynulleidfa ymgysylltiedig o weision sifil ar draws adrannau llywodraeth y DU, proffesiynau a rhanbarthau
- Cysylltu’n uniongyrchol â phenderfynwyr a dylanwadwyr sy’n gweithio mewn rolau polisi, gweithrediadau, digidol, adnoddau dynol, cyllid ac arweinyddiaeth
- Cryfhau cysylltiadau ar draws y llywodraeth drwy ymgysylltu ystyrlon, wyneb yn wyneb mewn amgylchedd sy’n canolbwyntio ar ddysgu
- Cewch fewnwelediad gwerthfawr i’r heriau presennol a’r blaenoriaethau yn y dyfodol sy’n llunio’r gwasanaeth sifil
- Arddangos eich arbenigedd, cynhyrchion ac atebion drwy sgyrsiau byw, arddangosiadau ac enghreifftiau yn y byd go iawn
- Adeiladu hygrededd a gwelededd fel partner dibynadwy sy’n cefnogi blaenoriaethau a thrawsnewid y sector cyhoeddus
Beth rydyn ni'n chwilio amdano
Cynigion arddangoswyr cryf:
- Esboniwch yn glir beth rydych chi’n ei arddangos
- Dangos gwerth i weision sifil
- Annog ymgysylltu, dysgu neu weithredu
- Cefnogi themâu a blaenoriaethau CSL
Anogir arddangoswyr i greu stondinau rhyngweithiol a deniadol ac sy’n cyfathrebu’n glir yr hyn maen nhw’n ei gynnig o ran dysgu, cefnogaeth neu wasanaethau i weision sifil.
Sut i wneud cais
Caeredin a Llundain
Mae ceisiadau ar gyfer Caeredin a Llundain bellach ar agor drwy’r ddolen isod. Mae gennym ystod o opsiynau ar gael i weddu i bob cyllideb, cliciwch i wneud cais i weld y gwahanol gostau.
Rhaid i chi gyflwyno eich cais cyn 5pm, dydd Gwener 20 Mawrth 2026.
Ar ôl ei gyflwyno:
- Bydd eich cais yn cael ei adolygu gan dîm CSL
- Efallai y byddwn yn cysylltu â chi am ragor o wybodaeth
- Bydd arddangoswyr llwyddiannus yn derbyn pecyn arddangoswyr gyda logisteg, dyddiadau cau ac arweiniad a bydd yn ofynnol iddynt dalu am eu stondin ddechrau mis Ebrill
Digwyddiadau rhanbarthol
Mae ceisiadau ar gyfer arddangoswyr bellach ar agor ar gyfer y digwyddiadau rhanbarthol, drwy’r ddolen isod. Nid oes ffi ar gyfer arddangos mewn digwyddiad rhanbarthol.
Noder: mae’r digwyddiadau hyn ar agor i arddangoswyr y sector gyhoeddus yn unig gydag uchafswm o 30 o stondinau arddangos ym mhob lleoliad.
Bydd ceisiadau ar gyfer y digwyddiadau rhanbarthol yn cau pum wythnos cyn bob digwyddiad a disgwylir i’r galw fod yn fwy nag argaeledd. Bydd blaenoriaeth yn cael ei roi i arddangoswyr lleol ac i sefydliadau sydd yn cydfynd yn agos â themau ac amcanion Gwasanaeth Sifil yn Fyw.
Ar ôl ei gyflwyno:
- Bydd eich cais yn cael ei adolygu gan dîm CSL
- Efallai y byddwn yn cysylltu â chi am ragor o wybodaeth
- Bydd arddangoswyr llwyddiannus yn derbyn pecyn arddangoswyr gyda threfniadau, terfynnau amser a chanllawiau 4 wythnos cyn eu lleoliad
Edrychwch ar ein Cwestiynau Cyffredin neu cysylltwch â ni ar [email protected] – rydym yn hapus i ateb cwestiynau am arddangos, siarad neu wirfoddoli.