Daeth Antonia Romeo yn Ysgrifennydd Parhaol y Swyddfa Gartref ym mis Ebrill 2025, gyda chyfrifoldeb am gyflawni’r genhadaeth strydoedd mwy diogel, ffiniau diogel, mewnfudo a phasbortau, diogelwch y wlad, ac amddiffyn pobl fregus.
Cyn hyn roedd Antonia yn Ysgrifennydd Parhaol y Weinyddiaeth Gyfiawnder am 4 blynedd, gyda chyfrifoldeb dros gyfiawnder troseddol, gwasanaethau carchardai a phrawf, llysoedd, gwasanaethau cyfreithiol, a pholisi cyfansoddiadol. Cyn hynny roedd hi’n Ysgrifennydd Parhaol yr Adran Masnach Ryngwladol gyda chyfrifoldeb am bolisi masnach, trafodaethau masnach a mynediad i’r farchnad, hyrwyddo masnach a chyllid, buddsoddiad busnes mewnol ac allanol, a’r ymgyrch GREAT.
Ymunodd Antonia â’r Gwasanaeth Sifil yn 2000 fel economegydd proffesiynol yn dilyn gyrfa gynnar yn y sector preifat gyda chwmni ymgynghori strategol Oliver Wyman.
- Mae hi wedi gweithio mewn sawl rôl uwch yn Llywodraeth Ei Fawrhydi, gan gynnwys:
- Conswl Cyffredinol Ei Fawrhydi yn Efrog Newydd a Chyfarwyddwr Cyffredinol Materion Economaidd a Masnachol yr Unol Daleithiau America (USA), a Llysgennad Arbennig i gwmnïau technoleg yr Unol Daleithiau, wedi’i leoli yn Efrog Newydd
- Cyfarwyddwr Cyffredinol a Phennaeth yr Ysgrifenyddiaeth Economaidd a Domestig yn Swyddfa’r Cabinet, sy’n gyfrifol am gydlynu cyngor polisi i’r Prif Weinidog a’r Cabinet, a chyflawni prif flaenoriaethau’r Prif Weinidog
- Cyfarwyddwr Cyffredinol, Cyfiawnder Troseddol yn y Weinyddiaeth Gyfiawnder (MoJ), sy’n gyfrifol am holl bolisi cyfiawnder troseddol a phrif raglenni
- Cyfarwyddwr Cyffredinol, Trawsnewid yn MoJ, sy’n gyfrifol am raglenni diwygio ac arbedion, strategaeth, Gwasanaethau Digidol, cyfathrebu, Grŵp AD a Grŵp ystadau
- Cyfarwyddwr Gweithredol, Menter ac Adnewyddu yn y Swyddfa’r Cabinet, sy’n gyfrifol am ddiwygio llywodraethu’r Llywodraeth a’r model Bwrdd, gan weithio gyda busnesau
Mae Antonia yn aelod o Fwrdd y Gwasanaeth Sifil ac yn Gadeirydd yr Uwch Bwyllgor Arweinyddiaeth.
Mae gan Antonia MA (PPE) o Brifysgol Rhydychen, MSc (Economeg) o London School of Economics, a diploma yn y Rhaglen Rheoli Uwch o Columbia Business School